बारामती (प्रतिनिधी) :
बारामती तालुक्यातील सायंबाचीवाडी येथील उपसरपंच प्रमोद दिलीप जगताप यांच्या विरूध्द अविश्वास ठराव संमत झाला होता . या अविश्वास ठरावा विरोधात जगताप यांनी पुणे जिल्हाधीकारी यांकडे अपील केले होते . यानुसार दि १ नोव्हेंबर रोजी जगताप यांचे उपसरपंच पद कायम ठेवण्याचा आदेश जिल्हाधीकारी दिला
आहे .
बारामती तालुक्यातील सायंबाचीवाडी हे एक दुष्काळी गाव पण दुष्काळाशी सामना करीत समृद्धी जलसमृद्ध आदर्श गाव म्हणून संपुर्ण राज्यात प्रसिद्धी मिळवली . येथील ग्रामपंचायत सदस्यांनी १ ऑगस्ट रोजी सभा घेऊन उपसरपंच प्रमोद दिलीप जगताप यांच्या विरोधात अविश्वास ठराव संमत केला होता . या ठरावा विरोधात ६ सप्टेंबर रोजी जगताप यांनी जिल्हाधीकारी यांकडे अर्ज दाखल केला होता .
अर्जदार व जबाब देणार यांना नोटीसा काढुन आपापली बाजु मांडण्याची संधी जिल्ह्याधीकारी यांनी दिली होती .जगताप यांची उपसरपंचपदी निवड झाल्यानंतर तलाव सु शोभीकरण , नळ पाणी पुरवठा योजना ,रस्ते , बोटींग आदी साडेचार कोटींची विकास कामे केली होती . यामुळे राज्याचे उपमुख्यमंत्री अजीत पवार यांनीही उपसरपंचांच्यां कामाचे कौतुक केले होते .मात्र ग्रामपंचायत सरपंच व सदस्यांनी एकत्र येऊन प्रमोद यांच्यावर अविश्वास ठराव दाखल केला होता . विकास कामे होऊनही अविश्वास दाखल केल्यामुळे जगताप गटाचे कार्यकर्ते नाराज होते .
दाखल झालेल्या अविश्वास ठरावा विरोधात ६ सप्टेंबर रोजी जिल्हाधीकारी यांकडे अपील केले होते .यानंतर दोन्ही बाजु ऐकुण घेतल्यानंतर ग्रामपंचायत अधीनियम १९५९ चे कलम ३५ (३ , ब ) अन्वये जिल्हाधीकारी पुणे यांनी उपसरपंच जगताप यांच्या विरोधात संमत झालेला ठराव रद्दबातल केला आहे .
जिल्हाधीकारी यांच्या या निर्णयाचे जगताप गटाच्या कार्यकर्त्यांनी फटाके फोडुन स्वागत केले .
Post a Comment