मोरगाव : बारामती तालुक्याच्या पश्चिम भागातील टोमॅटो उत्पादक शेतकरी तोट्यात आले आहेत . अत्यअल्प दरामुळे टोमॅटो बांधावर फेकण्याची वेळ आली असुन उत्पादनासाठी एकरी केलेला खर्चही निघाला नसल्याने शेतकऱ्यांच्या या लालधनाने यंदा धोका दिला आहे.
टोमॅटोला दरवर्षी उन्हाळ्यात चांगली मागणी असते . प्रती कॅरेट पाचशे ते सहाशे रुपयांचा भाव असतो . यामुळे तालुक्याच्या ग्रामीण भागातील शेतकरी उन्हाळ्यामध्ये टोमॅटो उत्पादन मोठ्या प्रमाणात घेतले जाते टोमॅटो लागण ते बांधणी पर्यंत एकरी साधारण 70 ते 80 हजार रुपये खर्च येतो . मात्र यंदा असलेल्या लॉकडाऊनमुळे तसेच हॉटेल व्यवसाय ,खानावळ ,लग्नकार्य आदी बंद असल्याने टोमॅटोला नगण्य मागणी आहे . पाचशे ते सहाशे रुपये दराने विकले जाणारे कॅरेट केवळ 100 ते 120 रुपये पर्यंत विकले जात आहे .
त्यामुळे शेतकऱ्यांना डोक्याला हात लावण्याची वेळ आलेली आहे. या भागातील मोरगाव , तरडोली , मूर्टी , वानेवाडी , लोणी भापकर , देऊळगाव रसाळ आदी भागातील शेतकऱ्यांनी टोमॅटोचे झाडे उपटून बांधावर फेकली आहेत . हमखास उत्पादन व पैसा मिळवून देणारे हे लाल धनाचे एकरी उत्पादन दोन हजार कॅरेटचे निघते. तर या विक्रीतून साधारणता १० लाख रुपयांचे उत्पादन निघते . मात्र मागणीच घटल्याने यावर्षी शेतकरी या लालधनाने धोक्यात आला आहे .
खर्च
एकरी रोप ७००० , बांधणीसाठी काठी व तार ७००० , गडी मजुरी तार ओढणे - बांधणीसाठी ४ हजार , महीला मजुर टोमॅटोला सुतळी बांधायला १२००० , सुतळी ५००० रुपये , फळ लागेपर्यंत खत रासायनिक खते २५००० , शेणखत ३००००
إرسال تعليق