मोरगाव : मोरगाव ता. बारामती येथे आज ओबीसी आरक्षण कृती समीतीची बैठक संपन्न झाली . यामध्ये 29 जुलै रोजी बारामती येथे होणाऱ्या एल्गार मोर्चाच्या मेळाव्याचे नियोजनासाठी तालुक्यात सर्वत्र घोंगडी बैठक घेण्याचे सर्वानुमते ठरले. याबाबतची माहिती जिल्हा समता परिषदेचे जिल्हाध्यक्ष अनिल लडकत यांनी दिली .
आज मोरगाव ता. बारामती येथील मयुरेश्वर मंगल कार्यालयात अखिल भारतीय समता परिषद व ओबीसी समाज कृती समाजाची बैठक संपन्न झाली . यावेळी पुणे जिल्हा समता परिषद जिल्हाध्यक्ष अनिल लडकत , जय मल्हार संघटनेचे महाराष्ट्र सचिव गणपत आबा देवकाते ,बापूराव सोनवलकर , मोरगावचे सरपंच निलेश केदारी , संपत टकले ,पांडुरंग गारडे , दत्ता लोणकर ,नाना नेवसे , सुनील ढोले आदी उपस्थित होते .ओबीसी आरक्षण राज्यात रद्द झाले असल्याने समाजामध्ये प्रचंड नाराजी आहे .या नाराजीचे रुपांतर एल्गार मोर्चामध्ये होणार आहे .आज झालेल्या बैठकीत राज्य सरकार व केंद्र सरकारने ईंपेरीयल डाटा सर्वोच्च न्यायालयात सादर करावा , यांसह ओबीसीच्या विविध समस्याबाबत चर्चा झाली .तसेच बारामतीमध्ये होणाऱ्या मोर्चात हजारोंच्या संख्येने उपस्थित राहण्याचे आवाहन याप्रसंगी पुणे जिल्हा अध्यक्ष अनिल लडकत यांनी केले .
Post a Comment