ग्रामीण भागात दरवर्षी भैरवनाथ यात्रा उत्सव मोठ्या उत्साहाने संपन्न केला जातो . ग्रामीण पट्ट्यामध्ये हा एकमेव मोठा उत्सव असल्याने गावातील तरुण वर्ग उस्फूर्तपणे सहभाग घेत असतात . या दिवशी मंदिरावर तसेच गावात संपूर्ण विद्युतरोषणाई केली जाते . तसेच पाहुण्यांसाठी गोड - तिखट जेवणाचा बेत आवर्जून आखला जातो .
गावामध्ये यात्रेच्या पहील्या दिवशी सायंकाळी जोगेश्वरी व श्री नाथनाथ यांचा विवाह सोहळा संपन्न होतो . या विवाहाला हजारोंच्या संख्येने भक्त उपस्थित असतात
मात्र गेल्या वर्षी प्रमाणे याहीवर्षी प्रशासनाने सार्वजनिक उत्सव संपन्न करण्यास परवानगी नाकारली आहे . यामुळे तरडोली गावात दवंडी व विविध व्हाट्सअप ग्रुपच्या आधारे यात्रा उत्सव रद्द झाला असल्याची माहिती तरडोली गावचे सरपंच नवनाथ जगदाळे यांनी दिली आहे . तरडोली व मुर्टी येथील भैरवनाथ यात्रा उत्सवा उद्या दिनांक 19 व 20 रोजी तर मोरगाव येथील भैरवनाथ यात्रा उत्सव 20 व 21 रोजी संपन्न होणार होता. मात्र कोरोना या विषाणूजन्य आजारामुळे हा उत्सव रद्द करण्यात आला आहे.
सलग दुसऱ्या वर्षी मोरगाव येथे भैरवनाथ यात्रा उत्सव भरणार नाही . कोरोना काळात प्रशासनाला सहकार्य करावे तसेच श्रींस घरातूनच नैवेद्य दाखवावा
निलेश केदारी : सरपंच ग्रामपंचायत मोरगाव
.....................................................
कोरोनाचा फैलाव ग्रामीण भागात वाढत चालला आहे . यामुळे प्रशासनाला सहकार्य करण्यासाठी भैरवनाथ मंदिर परिसरात , गावांमध्ये घोळक्याने एकत्र येऊ नये . यात्रेनिमित्ताने गावात पै - पाहुणे बोलवु नयेत
नवनाथ जगदाळे - सरपंच ग्रामपंचायत तरडोली
..................................................
إرسال تعليق