माळेगाव प्रतिनिधी-
पंधरा ते वीस वर्षापासून विकासा पासुन वंचित असलेल्या ढगाई नगर व भिलारे वस्ती मधे अंतर्गत डांबरीकरण कामाचा शुभारंभ झाल्याने ग्रामस्थांनी टाळ्या वाजवून सरपंच जयदीप तावरे व पदाधिकारी यांचे स्वागत केले.
माळेगाव येथील वाॅर्ड क्र. 3 मधे ढगाई नगर व भिलारे वस्ती या ठिकाणी वेगाने नागरिकरण होत आहे.हा भाग मुलभुत सुविधा पासुन गेली पंधरा ते विस वर्षापासून वंचित होता.सरपंच जयदीप तावरे व सदस्या मंगल लोणकर यांच्या प्रयत्नातून प्रथम गौज खनिज प्रतिष्ठान अंतर्गत भुयारी गटरचे काम पुर्ण केले.
यानंतर सुमारे पंचवीस लाख रुपयांच्या अंतर्गत डांबरीकरण रस्त्याच्या कामाचा शुभारंभ सदस्या मंगल लोणकर व अनिल लोणकर यांच्या हस्ते करण्यात आला. यावेळी सरपंच जयदीप तावरे,उपसरपंच अजित तांबोळी,राजाभाऊ खरात व ग्रामस्थ उपस्थित होते.
सरपंच जयदीप तावरे व सदस्या मंगल लोणकर यांनी दिलेल्या शब्द पाळल्याने आमचे समाधान झाले असे ग्रामस्थांनी सांगितले.
Post a Comment